Sidewalk Vendors

Kahit saan, sila ay makikita,
Kahit ano, kanilang binebenta,
Yosi at kendi madalas nilang tinda,
Isama mo pa instant noodles, at mga chichirya,
Pati na rin ata mga pang meryenda.
Halos lahat ay meron na sila
Ano pa ba ang hahanapin mo sa kanila?

Sidewalk vendors ang tawag sa kanila,
Minsan sila ay mga pasaway,
Batas ay kanilang sinusuway,
Mga nagkukubli pag si Kapitan ay dadaan,
Dahil mga tinda nila, tiyak kukunin.
Paglagpas ni Kap,
Benta nila ilalapat muli sa lapag.
Nakakatawa silang tignan,
Parang mga paslit na nagtataguan,
Mahuli ay siyang talo,
Larong… ang mga vendors ay walang kapana-panalo.

Trabaho nila’y mahirap kung titignan,
Pero iyon ang kanilang kabuhayan.
Sana sila ay pansinin,
Bigyan ng kahit konting pagtingin.